नेपाल राष्ट्र बैंकमा ६१ कर्मचारीका लागि जागिर खुल्यो, पुस २४ सम्म आवेदन दिन सकिने

काठमाडौं - नेपाल राष्ट्र बैंकले विभिन्न पदमा ६१ जना कर्मचारीका लागि दरखास्त आह्वान गरेको छ। बैंकले शुक्रबार ९कात्तिक २७ गते० खुला तथा समावेशी प्रतियोगितात्मक परीक्षामार्फत पदपूर्ति गर्ने गरी विज्ञापन प्रकाशित गरेको हो । बैंकले सार्वजनिक गरेको सूचनाअनुसार सहायक निर्देशक र सहायक पदमा कर्मचारी माग गरिएको छ। सबैभन्दा धेरै सहायक निर्देशक र सहायक पदमा २६–२६ जनाका लागि आवेदन खुलाइएको छ।

विज्ञापनअनुसार सहायक निर्देशक ९खुला तथा समावेशी० पदमा २६ जना माग गरिएको छ। त्यस्तै, सहायक निर्देशक ९लेखारलेखापरीक्षण० पदमा ३ जना, सहायक निर्देशक ९वाणिज्य कानुन० पदमा २ जना र सहायक निर्देशक ९सूचना प्रविधि० पदमा ४ जनाका लागि दरखास्त आह्वान गरिएको छ।

यसैगरी, सहायक पदमा २६ जना कर्मचारी माग गरिएको छ। विभिन्न पदमा महिला, दलित, अपाङ्गता भएका व्यक्ति, मधेसी तथा आदिवासी जनजातिका लागि समावेशी समूहअन्तर्गत पनि पद छुट्याइएको छ । बैंकले सबै पदका लागि आवेदन दिने अन्तिम मिति २०८३ पुस २४ गते ९डिसेम्बर १०, २०२६० तोकेको छ। इच्छुक तथा योग्यता पुगेका उम्मेदवारले नेपाल राष्ट्र बैंकको आधिकारिक वेबसाइटमा गई अनलाइनमार्फत आवेदन दिन सक्नेछन्।

विज्ञापनसम्बन्धी विस्तृत विवरण, आवश्यक शैक्षिक योग्यता, उमेरको हद र आवेदन प्रक्रियाबारे बैंकको वेबसाइटमा प्रकाशित सूचनाबाट जानकारी लिन सकिनेछ।

खबरपाटी