बिहीबार नेप्सेमा सामान्य सुधार, १३२ कम्पनीको सेयर मूल्य बढ्यो

काठमाडौं - नेपाल स्टक एक्सचेन्ज (नेप्से) बिहीबारको कारोबारमा ७.१७  अंक बढेको छ । नेप्से अन्तिम समयमा सम्हालिँदा ७.१७ अंक बढेर २६२९.४० विन्दुमा उक्लिएको हो ।

बजार सकारात्मक रहँदा १३२ कम्पनीको सेयर मूल्य बढेको छ । १३२ कम्पनीकै सेयर मूल्य घटेको छ । १३ कम्पनीको सेयर मूल्य स्थिर रह्यो ।

चार अर्ब ४० करोड १४ लाख रुपैयाँबराबरको सेयर किनबेच भएको छ । ९५ लाख कित्ता सेयर ४७ हजार पटकमा किनबेच भयो ।

माउन्ट एभरेष्ट पावर, सर्वोत्तम पेन्टस्, एनआईसी एसिया सेलेक्ट फन्ड, मान्डु हाइड्रो, सानिमा मिडिल तमोर हाइड्रोलगायत कम्पनीका लगानीकर्ता उच्च कमाउनेमा परे ।

बैंकिङ, जलविद्युत्, लगानी, जीवन बिमा, उत्पादन तथा प्रशोधन र अन्य सूचक बढेका छन् । बाँकी समूह घटेका छन् ।

खबरपाटी