प्रतिनिधि सभा बैठकः मन्त्रीहरुले बजेटको जवाफ दिने

काठमाडौं । संघीय संसद अन्तर्गत आज प्रतिनिधि सभाको बैठक बस्दैछ । बैठक आज बिहान ११ बजे संसद भवनमा बस्नेछ । आजको बैठकमा मन्त्रीहरुले आर्थिक वर्ष २०८० ०८१ का लागि सरकारले प्रश्तुत गरेको बजेटमा मन्त्रालयगत विषयमा उठेका प्रश्नहरुको जवाफ दिनेछन् । आज रक्षा, संघीय मामिला तथा सामान्य प्रशासन, संस्कृति, पर्यटन तथा नागरिक उड्डयन, स्वास्थ्य तथा जनसंख्या, परराष्ट्र, ऊर्जा, जलस्रोत तथा सिँचाइ, खानेपानी र श्रम, रोजगार तथा सामाजिक सुरक्षा मन्त्रालयको विनियोजन विधेयक २०८० अन्तर्गत विभिन्न शीर्षकहरूमा मन्त्रालयगत छलफलमा सांसदले उठाएका प्रश्नहरूको सम्बन्धित मन्त्रीले जवाफ दिने कार्यसूची रहेको छ।

खबरपाटी