भन्सार एजेन्ट प्रतिनिधि संघ नेपालद्वारा धर्ना तथा आन्दोलनको घोषणा

काठमाडौं । भन्सार एजेन्ट प्रतिनिधि संघ नेपालले धर्ना तथा आन्दोलनको घोषणा गरेको छ । 
भन्सार एजेन्ट प्रतिनिधिहरुलाइ राज्यले उचित व्यव्स्थापन गर्नु पर्नेमा हालै आएको संशोधित भन्सार ऐन २०६४ र नियमावली ०६४ले सो भन्सार प्रतिनिधिले काम गर्न  व्यावस्था नै खारज  गरेको भन्दै आन्दोलनको घोषणा गरेको हो । देशभर कार्यरत ३०० भन्दा बढी  भन्सार प्रतिनिधिहरु जेठ १५ गतेबाट बेरोजगार भएको संघका अध्यक्ष उमेश अधिकारीले बताए । 
भन्सार प्रतिनिधिहरुले पटक पटक भन्सार विभाग,अर्थ मन्त्रालयलाई ध्यानाकर्षण, ज्ञापनपत्र बुझाउँदा पनि केही सुनुवाई नभएको हुँदा बाध्य भएर आन्दोलनमा जानुपरेको बताए । राज्यको यस्तो नीतिले गर्दा विगत २३ दिन देखि नै भन्सार प्रतिनिधिहरुले कामकाज गर्नबाट वञ्चित भएको बताए । उनले असार १० गतेबाट शान्तिपूर्ण  आन्दोलन ,धर्ना तथा बिरोध कार्यक्रम गर्ने चेतावनी दिए । 

खबरपाटी