सरकार विस्तारमा नेकपा एस को दौडधुप

काठमाडौं । नेकपा एकीकृत समाजवादीका शीर्ष नेताहरु र प्रधानमन्त्री पुष्पकमल दाहाल प्रचण्डबीच भेटवार्ता भएको छ । मंगलबार नेकपा एसका अध्यक्ष माधवकुमार नेपाल, नेता झालनाथ खनाल, महासचिव घनश्याम भुसाल र नेता प्रकाश ज्वाला प्रधानमन्त्री प्रचण्ड भेट्न बालुवाटार पुगेका हुन् ।

बालुवाटारमा उनीहरुबीच मन्त्रिमण्डल विस्तार र एकीकृत समाजवादी पार्टीले पाउने मन्त्रालयबारे छलफल भएको छ । एकीकृत समाजवादी पार्टीले गृहसहित तीन वटा मन्त्रालयमा दाबी गरिरहेको छ । तर, प्रधानमन्त्री प्रचण्डले गृहबाहेकका दुई वटा मन्त्रालय दिने तयारी गरेका छन् ।

सत्ता गठबन्धनमा आवद्ध दलहरुले आफ्नो अडान कायमै राखेपछि मन्त्रालय भागबण्डामा सहमति जुट्न सकेको छैन । प्रधानमन्त्री प्रचण्डले विश्वासको मत पाएको एक साता बित्दासमेत सरकारलाई पूर्णता दिन सकेका छैनन् ।

प्रधानमन्त्री पुष्पकमल दाहाल  प्रचण्ड सँगको भेटपछि नेकपा एकीकृत समाजवादी (नेकपा एस) ले सचिवालय बैठक डाकेको छ। 

​१२ बजेलाई बोलाइएको बैठकमा सरकारमा सहभागी हुनेबारे छलफल हुने पार्टीका एक नेताले जानकारी दिए। 
 
बैठकमा सरकारमा कोको जाने भन्ने विषयमा छलफल हुने जनाइएको छ। आजै ४ बजे सत्तारुढ गठबन्धन दलको बैठक पनि बस्दै छ । प्रधानमन्त्री प्रचण्डले आजै सरकार विस्तारको तयारी गरेका छन्। 
 

खबरपाटी