रुसी तेल किन्न पाउने सीमा एक महिना थपिएपछि भारतलाई राहत

अमेरिकाले रुसी तेल खरिद गर्न दिइएको छुटको सीमालाई एक महिनाका लागि थप गरेपछि त्यसबाट भारतलाई फाइदा पुग्ने भएको छ । इरानसँगको युद्धका कारण विश्वव्यापी ऊर्जाको मूल्यमा तीव्र वृद्धि भइरहेको समयमा भएको यो निर्णयले भारतमा आपुर्ती नियमितसँगै मुल्य नियन्त्रमा समेत सहज हुने देखिएको हो ।

रुसी तेल खरिद गर्न दिइएको छुट दुई दिन अघि सकिएकोमा ट्रम्प प्रशासनले इरान, उत्तर कोरिया र क्युबा बाहेक सबै देशलाई थप एक महिना छुट दिएको हो । होर्मुज जलमार्गमा अवरोध हुँदा अहिलेसम्म भारतले एलपीजी र एलएनजीमा मात्रै समस्या झेल्नुपरेको छ । यसको कारण रुसबाट तेल आउनु हो ।

परम्परागत रूपमा भारतले खाडी देशहरूबाट तेल आयात गर्दै आएको थियो । तर, युक्रेन युद्ध शुरू भएपछि धेरै छुटमा रुसी तेल खरिद गर्न थालेको हो । अमेरिकी ट्यारिफका कारण खरिद प्रक्रिया प्रभावित भएपछि भारतले पुनः खाडी देशहरूबाट हुने आयात बढाएकोमा होर्मुजसंकटले समस्या ल्याएको हो । फेरी रुसी तेल आउने भए पनि भारतमा तेलको अभाव हुने छैन । भारतले अहिले ४१ वटा देशबाट तेल आयात गरिरहेको छ ।

यसैबीच युक्रेनका राष्ट्रपति भोलोदिमर जेलेन्स्कीले रूसी तेलमाथिको प्रतिबन्ध आंशिक रूपमा खुकुलो बनाइएपछि त्यसले रूसलाई युद्धका लागि ठूलो आर्थिक स्रोत उपलब्ध गराउने चेतावनी दिनुभएको छ । सामाजिक सञ्जालमार्फत् प्रतिक्रिया दिँदै जेलेन्स्कीले रूसी तेल खरिदमा खर्च हुने हरेक डलर युद्धकै लागि प्रयोग भइरहेको उल्लेख गर्नुभएको छ । 

खबरपाटी