सोमबार सेयर बजारमा ५ अंकको गिरावट, ७ अर्ब ५८ करोडको कारोबार

काठमाडौँ । सेयर बजार परिसूचक घटेर बन्द भएको छ । प्रि–ओपनिङ सेसन र कारोबारको पहिलो केही मिनेटभित्रै करिब ६६ अंक माथि पुगेको बजार अन्तमा २.९७ अंकले घटेको हो । योसँगै परिसूचक २६७७ विन्दुमा झरेको छ । 

आज बजारमा ७ अर्ब ५८ करोड रुपैयाँ बराबरको कारोबार भएको हो । आज बजारमा ९२ कम्पनीको मूल्य बढ्दा १५५ कम्पनीको मूल्य घटेको छ । 

नेपाल राष्ट्र बैंकले आइतबार मौद्रिक नीतिको तेस्रो त्रैमासिक समीक्षा गर्दै शेयर बजारसँग सम्बन्धित विषयमा खुकुलो नीति लिएको थियो । यसको प्रभावस्वरुप सुरुमा बजार बढे पनि पछि बिक्रेता हाबी हुँदा बजार घटेको देखिन्छ । 

समग्र बजार घटे पनि बैंकिङ लगायतका केही परिसूचक बढेको छ । बजारमा होटल र माइक्रोफाइनान्स लगायतका सूचक घटेका छन् । 

आज बजारमा ओम मेगाश्री हाइड्रोपावरको मूल्य सकारात्मक सर्किट लाग्दा गुराँस लघुवित्त र बाराही हाइड्रोपावरको मूल्यमा नकारात्मक सर्किट लागेको छ । 

बजारमा आज राधी जलविद्युत् कम्पनीको शेयर सर्वाधिक कारोबार भएको छ । ङादी ग्रुप पावर कारोबार संख्या र शेयर सङ्ख्याका आधारमा अगाडि छ ।

खबरपाटी