प्रधानमन्त्री ओलीलाई चीनमा यसरी गरियो स्वागत, आजै राष्ट्रपति सीसँग भेटवार्ता हुने

प्रधानमन्त्री केपी शर्मा ओली सांघाई सहयोग संगठन (एससिओ)को शिखर सम्मेलनमा भाग लिन आज चीनको थियानजिन शहरमा आएका छन् ।

चीनका राष्ट्रपति सी चिनफिङको मैत्रीपूर्ण निमन्त्रणामा नेपाली प्रतिनिधिमण्डलको नेतृत्व गर्दै प्रधानमन्त्री ओली स्थानीय समयअनुसार दिउँसो ३:१५ बजे हिमालय एयरलाइन्सनको विशेष विमानमार्फत थियानजिन विनहाइ अन्तर्राष्ट्रिय विमानस्थलमा ओर्लिएका हुन् ।

उनलाई चीन सरकारका उच्चाधिकारी र चीनका लागि नेपालका राजदूत डा. कृष्णप्रसाद ओली, नेपालका लागि चीनका राजदूत चेन सोङलगायतले स्वागत गरे । प्रधानमन्त्री ओलीले आजै राष्ट्रपति सीसँग भेटवार्ता गर्ने कार्यतालिका रहेको छ ।

खबरपाटी