ट्रम्पद्वारा पुटिन र जेलेन्स्कीसँग फोन वार्ता, युद्ध रोक्न चाँडै छलफल सुरु गर्ने दावी

काठमाडौं ।  अमेरिकी राष्ट्रपति डोनाल्ड ट्रम्पले बुधबार रुसी राष्ट्रपति भ्लादिमिर पुटिन र युक्रेनी राष्ट्रपति भोलोदिमिर जेलेन्स्कीसँग युद्ध अन्त्य गर्ने बारेमा फोनमा कुराकानी गरेको जनाएका छन्। उनले पुटिनसँग लगभग डेढ घण्टा कुराकानी गरेका थिए।

ट्रम्पले भने, ुहामीले हाम्रा टोलीहरूलाई तुरुन्तै वार्ता सुरु गर्न लगाउने विषयमा पनि सहमति जनाएका छौं।ु

ट्रम्पले अमेरिकी विदेशमन्त्री मार्को रुबियो, सीआईए निर्देशक जोन रेटक्लिफ, राष्ट्रिय सुरक्षा सल्लाहकार माइकल वाल्ट्ज, राजदूत तथा विशेष दूत स्टिभ विटकफलाई वार्ताको नेतृत्व गर्न निर्देशन दिएका छन्।

क्रेमलिनका अनुसार पुटिन र ट्रम्पले लगभग डेढ घण्टा टेलिफोनमा कुराकानी गरेका थिए । उनीहरुबीच भेटघाटको सहमति पनि भएको थियो। वार्ताका क्रममा पुटिनले ट्रम्पलाई मस्को भ्रमणको निम्तो दिएका जनाइएको छ।

युक्रेनी राष्ट्रपति भोलोडिमिर जेलेन्स्कीले पनि आफूले अमेरिकी राष्ट्रपति डोनाल्ड ट्रम्पसँग कुरा गरेको जनाएका छन्। रुसी आक्रामकतालाई रोक्न र दिगो, भरपर्दो शान्ति सुनिश्चित गर्नका लागि दुई देशले आगामी कदम चाल्न मिलेर काम गरिरहेको कुरामा उनले जोड दिए।

जेलेन्स्की रुससँग जमिन साट्न तयार

फेब्रुअरी ११ मा युक्रेनी राष्ट्रपति भोलोडिमिर जेलेन्स्कीले युक्रेन युद्ध रोक्न रुससँग जमिन साटासाट गर्न आफू तयार रहेको बताएका थिए। बेलायती पत्रिका द गार्जियनसँगको अन्तर्वार्तामा जेलेन्स्कीले यदि ट्रम्पले रुस र युक्रेनलाई एउटै मञ्चमा ल्याउन सफल भए आफू जमिन साट्न तयार हुने बताएका थिए।

जेलेन्स्कीले अमेरिकी सहयोग बिना युद्ध लड्न नसक्ने कुरा पनि स्वीकार गरे। उनले भने, ुकेही मानिसहरू छन् जसले भन्छन् कि युरोपले अमेरिका बिना पनि युक्रेनको रक्षा गर्न सक्छ। तर यो सत्य होइन। अमेरिका बिना युक्रेनको सुरक्षा सम्भव छैन।ु

युक्रेनले ७ महिनादेखि रुसी भूमि कब्जा गर्दै आएको छ

युक्रेनले अगस्ट २०२४ मा रूसको कुर्स्कमा आक्रमण गर्‍यो र लगभग १,३०० वर्ग किलोमिटर भूभाग कब्जा गर्यो। यद्यपि रुसले प्रतिआक्रमण गर्‍यो र गुमेको लगभग आधा जमिन फिर्ता लियो। जेलेन्स्कीले युक्रेनले अझै पनि ठूलो रूसी भूभाग ओगटेको बताए। उसले उक्त भूमिलाई रूससँग सम्झौता गर्न प्रयोग गर्ने जनए।

जेलेन्स्कीले उनीहरूको जग्गाको सट्टामा आफ्नो जग्गा माग्ने बताए। तर उनले कुन भूभाग माग्ने भन्ने कुरा खुलाएका छैनन्। 

युद्ध रोक्ने प्रयासमा ट्रम्प 

अमेरिकामा ट्रम्पको शपथग्रहणपछि रुस(युक्रेन युद्ध अन्त्य गर्ने बारेमा छलफल बढेको छ। चुनावको समयमा ट्रम्पले शपथ लिएको २४ घण्टा भित्र युद्ध रोक्ने दाबी गरेका थिए। गत महिना युक्रेनका लागि ट्रम्पका विशेष शान्ति दूत किथ केलॉगले ट्रम्प प्रशासनको पहिलो १०० दिन भित्र युद्ध रोक्ने आफ्नो लक्ष्य रहेको बताएका थिए।

जेलेन्स्कीले फेब्रुअरी १४ मा म्युनिख सुरक्षा सम्मेलनमा अमेरिकी उपराष्ट्रपति जेडी भान्सलाई भेट्ने बताए। जेडी भान्सले लामो समयदेखि युक्रेनलाई युद्ध लड्न अमेरिकाले गरेको सहयोगको आलोचना गर्दै आएका छन्। सत्तामा आएपछि उनले युक्रेनमाथि युद्ध रोक्न दबाब दिइरहेका छन्।

खबरपाटी