एसीसी यू–१९ प्रिमियर कपः उपाधिका लागि भिड्न नेपालले पायो यूएई प्रतिद्वन्द्वी, फाइनल मंगलवार

एसीसी यू–१९ प्रिमियर कप क्रिकेटको उपाधिका लागि फाइनलमा भिड्न नेपालले यूएई प्रतिद्वन्द्वी पाएको छ । 
जापानलाई हराएर फाइनल प्रवेश गरेको नेपालले उपाधिका लागि यूएईलाई प्रतिद्धन्दी पाएको हो ।

फाइनल खेल मलेसियाको क्लालाम्पुरस्थित बायुमास ओवलमा नेपाली समयअनुसार मंगलवार बिहान सवा ७ बजे हुनेछ । 
शनिबार भएको खेलमा यूएईले सिंगापुरलाई १० विकेटले हराउँदै फाइनलमा स्थान पक्का गरेको छ । 
दुवै खेल वर्षाले प्रभावित बन्दा नेपालले जापानको यू–१९ टिमलाई १४३ रनको अन्तरले हराएको थियो ।

नेपालले समूह चरणमा साउदी अरब, बहराइन र इरानलाई पराजित गर्दै सेमिफाइनल प्रवेश गरेको थियो । प्रतियोगितामा नेपाल अपराजित टोली हो । 

नेपाल र यूएई फाइनल प्रवेश गरेसँगै यू–१९ एसिया कपका लागि छनोट भएका छन् । 

सिंगापुर र जापानले तेस्रो स्थानका लागि प्रतिस्पर्धा गर्नेछन् । विजेता टोली पनि एसिया कपमा छनोट हुनेछ ।

खबरपाटी