नेप्सेमा सूचिकृत भएको सन नेपाल लाइफको आईपीओको ओपनिङ रेञ्ज कति ?

काठमाडौं । नेपाल स्टक एक्सचेन्ज (नेप्से) मा मङ्गलवार एक कम्पनीको आइपिओ सूचिकृत भएको छ । नेप्सेमा सन नेपाल लाइफ इन्स्योरेन्सको  आइपिओ सूचिकृत भएको हो ।

कम्पनीले सर्वसाधारणको लागि वितरण गरेको (सामूहिक लगानी कोष, वैदेशिक रोजगारीमा रहेका नेपाली, र कर्मचारी समेत) लाई ९६ लाख कित्ता र संस्थापकहरूले लगानी गरेको २ करोड २४ लाख कित्ता गरेर कुल ३ करोड २० लाख कित्ता साधारण सेयर सूचीकृत गराएको हो ।

कम्पनीको पहिलो कारोबारका लागि १५८ रुपैयाँ ४१ पैसादेखि अधिकतम ४७५ रुपैंया  २३ पैसासम्म ओपनसङ रेन्ज निर्धारण गरिएको छ ।  कम्पनीको स्टक सिम्बोल  ‘एसएनएलआइ’ रहेको छ । सूचिकृत पश्चात् उक्त सेयर सरकारले भोलि सार्वजनिक बिदा दिने निर्णय गरेको कारणले बिहीबारदेखि धितो पत्र दोस्रो बजारमा कारोबार हुनेछ ।

खबरपाटी