एमालेलाई माओवादीले गरयो प्रश्नः बिरामीको शल्यक्रिया गरिरहेको ठाउँमा ढोका फुटाएर अर्को डाक्टर जाँदा के हुन्छ?

काठमाडौँ । नेकपा माओवादी केन्द्रले सुन तस्करी प्रकरणमा सरकारले अनुसन्धान गरिरहेकोले अर्को छानबिन समिति आवश्यक नपर्ने बताएको छ । मंगलबार प्रतिनिधिसभाको बैठकमा बोल्दै माओवादी केन्द्रका सांसद देवेन्द्र पौडेलले सरकारले छानबिन सकेपछि सो विषय उठाउन एमालेलाई आग्रह गरेका छन् । 

उनले भने–‘एकजना सर्जन डाक्टरले थिएटरभित्र गएर बिरामीको अप्रेसन गरिरहेको बेलामा अर्को डाक्टरले ढोका फोडेर भित्र गयो भने बिरामीको हालत के हुन्छ र अहिले सम्बन्धित निकायले छानबिन दृढतापूर्वक अघि बढाइरहेको छ । सिद्धान्तत हामी संसदीय छानबिन समितिको विरोधी हैनौँ । तर छानबिन त भइरहेको छ नि । त्यसको निष्कर्ष आउँन्जेलसम्मको निम्ति धैर्यतापूर्वक बसेर गृह प्रशासनले गरेका कामलाई सहयोग गर्न प्रतिपक्षी दललाई आग्रह गर्दछु ।

भ्रष्टाचारको कुनै अनुहार, कुनै दल नहुने भन्दै राज्यले स्थापित गरेका निकायबाट छानबिन भइरहेकोमा त्यसलाई सहयोग गर्न सांसद पौडेलले आग्रह गरे ।

खबरपाटी