दोस्रो खेलमा नेपालको विष्फोटक ब्याटिङ, दुइ जनाको शतकिय पारी

काठमाडौं ।  आईसीसी यू १९ पुरुष विश्वकपको एसिया छनोट प्रतियोगिता अन्तर्गत कुवेतविरुद्धको खेलमा नेपालले सुरुआतमा ब्याटिङ गर्दै ३४४ को विशाल लक्ष्य खडा गरेको छ ।

मालेक क्रिकेट मैदानमा नेपालले टस जितेर पहिले ब्याटिङ गर्दा कप्तान देव खनाल सहित अर्जुन कुमालले शतकिय पारी खेलेका छन् । 

प्रतियोगितामा दोस्रो खेल खेलिरहेको नेपाल लगातार दोस्रो जित निकाल्ने योजनामा छ । पहिलो खेलमा नेपालले शुक्रबार सिंगापुरलाई पराजित गरेको थियो ।

कुवेत भने पहिलो जितको खोजीमा रहेको छ । पहिलो खेलमा कुवेत हङकङसँग पराजित भएको थियो ।

लामो समयको अन्तरालमा विश्वकपमा छनोट हुने लक्ष्यसहित युएई पुगेको नेपाली टोली जितलाई निरन्तरता दिन चाहन्छन।

खबरपाटी