जापानमा चलिरहेको एशियाली खेलकुद अन्तर्गत पुरुष क्रिकेटको कास्य पदक श्रीलंकाले जित्यो

जापानमा चलिरहेको एशियाली खेलकुद अन्तर्गत पुरुष क्रिकेटको कास्य पदक श्रीलंकाले जितेको छ । निशिनमा रहेको करोगी स्पोट्र्स पार्कमा आज बिहान भएको खेलमा बङ्गलादेशलाई ६३ रनले हराउँदै श्रीलंकाले कास्य पदक जितेको हो ।

टस जितेर पहिला ब्याटिङ गरेको श्रीलङ्काले निर्धारित २० ओभरमा ९ विकेट गुमाएर १६५ रन बनाएको थियो । जितका लागि १६६ रनको लक्ष्य पछ्याएको बङ्गलादेश १७ ओभर ३ बलमा १०२ रनमा अलआउट भयो ।

त्यस्तै स्वर्ण पदकका लागि अहिले भारत र पाकिस्तानबीच खेल भइरहेकाे छ। निशिनमा रहेको करोगी स्पोट्र्स पार्कमा भारतले टस जितेर पहिला ब्याटिङ रोजेको छ ।

यसअघि बिहीबार भएको दोस्रो सेमिफाइलनमा पाकिस्तानले बङ्गलादेशलाई ६ विकेट र पहिलो सेमिफाइनलमा भारतले श्रीलङ्कालाई १२४ रनले हराउँदै फाइनलमा पुगेका हुन् । एशियाली खेलकुदमा क्रिकेटको स्वर्ण पदकका लागि दुई एशियाली शक्तिबीचको खेललाई विशेष चासोका साथ हेरिएको छ ।

नेपाल एशियाली खेलकुदको क्वाटरफाइनलमा पुगे पनि श्रीलंकासँगको खेल वर्षाका कारण हुन नसकेपछि बाहिरिएको थियो । 

खबरपाटी