रास्वपालाई महाधिवेशनबाट विचारमा अझ स्पष्ट हुन पूर्वप्रधानमन्त्री बाबुराम भट्टराईको सुझाव

काठमाडौँ – पूर्वप्रधानमन्त्री बाबुराम भट्टराईले रास्वपालाई महाधिवेशनबाट विचारमा अझ स्पष्ट हुन सुझाव दिएका छन्।

रास्वपाको चितवनमा जारी महाधिवेशनको उद्घाटनसत्रमा शुभकामना मन्तव्य राख्दै उनले रास्वपाले विधानमा उल्लेख गरेको ‘संवैधानिक समाजवाद’बारे अझ स्पष्ट पार्न आग्रह गरेका हुन्। 

रविजी र बालेनजीहरूलाई भन्छु, नेतृत्व असाध्यै महत्वपूर्ण हो। वैचारिक रूपले त स्प्ष्टता चाहिन्छ नै। तपाईँहरूका विधानका छिटफुट कुरा बाहिर जे आएका छन्‚ ती ठिकै छन्’, उनले भने, ‘तर केही अस्पष्टता छन्। खासगरी तपाईँहरूले संवैधानिक समाजवाद भन्नुभएको छ, त्यो भनेको के हो अलि व्याख्या गर्नुभयो भने राम्रो ।’

पूर्वप्रधानमन्त्री भट्टराईले रास्वपा विभाजनको खतरा औंल्याउँदै रवि र बालेनबीचको एकतामै रास्वपाको भविष्य सुनिश्चित रहेको बताएका छन्। ‘पार्टी भित्र र बाहिर पनि रवि ठूलो कि बालेन भन्ने पार्न सक्छन्’, उनले भने, ‘तर मलाई लाग्छ, रवि–बालेनकै एकतामा रास्वपाको भविष्य सुनिश्चित छ।’

खबरपाटी