काठमाडौं महानगरका प्रमुख बालेन साहले राजीनामा दिए

काठमाडौँ – काठमाडौं महानगरपालिकाका प्रमुख बालेन साहले आज राजीनामा दिएका छन्।

वरिष्ठ नेताका रूपमा राष्ट्रिय स्वतन्त्र पार्टी (रास्वपा) प्रवेश गरेका उनी नेकपा एमालेका अध्यक्ष एवं पूवप्रधानमन्त्रीको निर्वाचन क्षेत्र ‘झापा क्षेत्र नम्बर ५’ बाट प्रतिनिधिसभा निर्वाचन लड्दै छन्। त्यसका लागि रास्वपाले झापामा सम्पर्क कार्यालय स्थापना गरिसकेको छ।

इन्जिनियर विषय अध्ययन गरी र्‍यापरको छवि बनाएका बालेन २०७९ सालको स्थानीय तह निर्वाचनमा स्वतन्त्र उम्मेदर भएर लोकप्रिय मत ६१ हजार ७६७ मत ल्याएर काठमाडौँ महानगरको मेयरमा निर्वाचित भएका थिए।

उनी लौरो चुनाव चिह्न लिएर चुनावी मैदानमा थिए। उनले ०७९ जेठ १६ गते पद तथा गोपनीयताको शपथ ग्रहण गरेसँगै महानगरको बागडोर सम्हालेका थिए।

काठमाडौँ महानगरपालिका प्रहरी प्रमुख राजुनाथ पाण्डेले पनि माघ २ गते नै राजीनामा दिएका छन्। 

खबरपाटी