डा. धवलशमशेर राणाको थुनछेक बहस सकियो:आजै आदेशको तयारी

काठमाडौं । तीनकुने आन्दोलनका आरोपीको रूपमा मुद्दा चलाइएका राप्रपाका महामन्त्री डा. धवलशम्शेर राणाको जिल्ला अदालत काठमाडौंमा थुनछेक बहस सकिएको छ । न्यायाधीश शिवप्रसाद खनालले आजै थुनछेक आदेशको तयारी गरेका छन् ।

गत चैत १५ गते पक्राउ परेका राणा उमेर र स्वास्थ्यका कारण हाजिरी जमानीमा छुटेका थिए । उनी प्रहरीले अभियोजन गर्दा अदालतमा उपस्थित भएका थिएनन् । आज उनी बयानका लागि उपस्थित भएका हुन् ।

राणाको बयानपछि बहस भएको थियो । उनको तर्फबाट डा. भीमार्जुन आचार्य, शतिशकृष्ण खरेल, गोविन्द बन्दी, बिष्णु भट्टराई, राजु बस्नेत लगायतले बहस गरे । यस्तै सरकारी पक्षबाट ४ जना वकिलहरुले बहस गरेका थिए ।

राणासँगै पक्राउ परेका राप्रपा वरिष्ठ उपाध्यक्ष रविन्द्र मिश्र भने अदालत उपस्थित भएका छैनन् । उनी पनि चाँडै अदालत आएर बयान दिन सक्ने बताइएको छ ।

खबरपाटी