कुम्भ मेलामा आज माघ पूर्णिमा स्नान, भक्तजनहरूको ठूलो संख्यामा आगमन

काठमाडौं । उत्तर प्रदेशको प्रयागराजमा चलिरहेको कुम्भ मेलामा फेब्रुअरी १२ देखि माघ पूर्णिमा स्नान सुरु भएको छ। यसका लागि ठूलो संख्यामा भक्तजनहरू त्रिवेणी संगममा पुगिरहेका छन्।

मेलामा कुनै पनि अप्रिय घटना हुन नदिन कडा सुरक्षा व्यवस्था मिलाइएको छ।

समाचार एजेन्सी एएनआईले अतिरिक्त मेला अधिकारी विवेक चतुर्वेदीलाई उद्धृत गर्दै भनेको छ कि आज मेलामा भक्तजनहरूको ठूलो भीड हुने सम्भावनालाई ध्यानमा राख्दै सुरक्षा व्यवस्था कडा पारिएको छ।

विवेक चतुर्वेदीले भने, ुआज माघ पूर्णिमा स्नान हो। यसपालि मेलामा अनपेक्षित भीडभाड भएको छ। रातमा पनि भक्तजनहरूको आगमन जारी रहन्छ। प्रशासनले यसको लागि पूर्ण तयारी गरेको छ।ु

उनले जल प्रहरीले घाटहरूमा ब्यारिकेड लगाएको बताए। यसबाहेक, वाच टावरहरू पनि निर्माण गरिएको छ र ट्राफिक डाइभर्सन पनि लागू गरिएको छ।

गत महिना जनवरी २९ मा कुम्भका केही स्थानमा भागदौड मच्चिएको थियो जसमा धेरैको मृत्यु भएको थियो। अब यस्तो अवस्था आउन नदिन प्रशासनले सतर्कता बढाएको छ।

खबरपाटी