हामी चुक्दैनौँ, सुशासनका लागि भ्रष्टाचार अन्त्य गरेरै छाड्छौँ : प्रधानमन्त्री ओली

काठमाडौंं । प्रधानमन्त्री  केपी शर्मा ओलीले लोकतन्त्रको रक्षा गर्दै मुलुकमा सुशासन कायम गर्न आफू नेतृत्वको सरकार नचुक्ने दाबी गरेका छन् ।  

आज प्रतिनिधि सभाको बैठकमा बोल्दै उनले सरकार लोकतान्त्रिक प्रणालीका लागि भ्रष्टाचार नियन्त्रण र अन्त्य गर्ने दिशामा अघि बढ्ने बताए । 

उनले  भने,  ‘देश र जनतालाई सर्वपरी राखेर देश र जनताको हितहरूप्रति समर्पित भएर लोकतन्त्रका मूल्यमान्यताहरूलाई जीवन पद्धतिको रूपमा अवलम्बन गरेर  सुशासनका निम्ति भ्रष्टाचार नियन्त्रण र अन्त्य गर्ने दिशामा हामी जानेछौँ ।’

साथै  उनले लोकतन्त्रलाई  जीवन पद्धतिको  रूपमा अवलम्बन गर्न कसैको फरक मत नरहने उल्लेख गरे । उनले लोकतन्त्रका विरुद्धमा केही प्रवृत्तिहरू देखा पर्न  गएको समेत बताए । 

खबरपाटी