पीडित नागरिकको उद्धार तथा राहत सामग्री वितरणमा सक्रिय हुन प्रधानमन्त्री दाहालको निर्देशन

काठमाडौं -प्रधानमन्त्री पुष्पकमल दाहाल ‘प्रचण्ड’ले प्राकृतिक विपद्बबाट  पीडित नागरिकको उद्धार तथा उनीहरूलाई राहत सामग्री वितरणमा सक्रिय हुन निर्देशन दिनुभएको छ । आज एक वक्तव्य जारी गर्दै बाढी पहिरोका कारण देशका विभिन्न भागमा भएको धनजनको क्षतिप्रति दुःख व्यक्त गर्नुभएको हो ।

प्रधानमन्त्री दाहालले बाढी पहिरोबाट हुनसक्ने क्षति र जोखिम कम गर्न आवश्यक पूर्वतयारीका काम भइरहेको बताउनु भको छ । दाहालले सुरक्षा सतर्कता अपनाउन सम्पूर्ण नागरिकमा अनुरोध गर्नुभएको हो ।

प्रधानमन्त्री दाहालले सरकारको प्रयासमा सार्थक हातेमालोका निम्ति सम्पूर्ण राजनीतिक दल, नागरिक समाज र सामाजिक संस्थाहरूसँग अनुरोध समेत गर्नुभएको छ ।

अहिले विभिन्न ठाउँमा बाढिपहिरोसँगै धनजनको क्षति भएको छ। काठमाडौं उपत्यकाभित्र पनि विभिन्न ठाउँहरु डुबानमा परेका छन्।

खबरपाटी