माधव नेपाल: एमालेबाट विद्रोह नगरेको भए गल्लीमा भड्किरहेका हुन्थ्यौँ

काठमाडौं । नेकपा (एकीकृत समाजवादी) का अध्यक्ष माधवकुमार नेपालले एमालेबाट विद्रोह गरेर न्यायाचित काम गरेको दाबी गरेका छन् । 

शुक्रवार पार्टी केन्द्रिय कार्यालयमा आयोजित ‘जनताका नेता नेपाल’ पुस्तक विमोचन कार्यक्रमलाई सम्बोधन गर्दै अध्यक्ष नेपालले नेकपा९एमाले०बाट विद्रोह गर्नुको अर्को कुनै विकल्प नभएको बताए । उनले एमालेबाट विद्रोह गरेर आफूहरुले संविधान बचाएको र राजनीतिक स्थिरता कायम गरेको बताए ।

उनले आफुहरुले मुलुकलाई सही दिशामा अगाडि बढाउन भूमिका निर्वाह गरेको भन्दै विद्रोह गरेर सही र न्यायोचित काम गरेको बताए । उनले एमालेबाट विद्रोह नगरेको भए आफुहरु गल्लीमा भड्किइरहेको अवस्थामा हुने बताए । उनले आफूहरुले आत्मसर्मपण नगरेको बताए । 

अध्यक्ष नेपालले पार्टीले आफ्नो छुट्टै उपस्थिति देखाएको र आफ्नो भुमिकालाई स्थापित गरेको दाबी गरे । उनले संसदमा कम सिट आउनासाथ आत्तिनु नपर्ने बताए ।

खबरपाटी