सरकारले मुलुक र जनताको हितमा काम गरिरहेको छ : गृहमन्त्री रवि लामिछाने

काठमाडौं । उपप्रधान एवं गृहमन्त्री रवि लामिछानेले वर्तमान सरकारले मुलुकको आवश्यकता र जनताको हितमा काम गरिरहेको बताएका छन् ।

नेपाल समाजवादी पार्टीको स्थापना दिवसका अवसरमा आज आयोजित कार्यक्रममा उनले सरकारमा रहुञ्जेल नागरिकलाई दुःख नदिने गरी काम गर्ने बताए ।

उपप्रधानमन्त्री लामिछानेले विभिन्न सङ्घर्ष र बलिदानबाट प्राप्त व्यवस्थालाई आत्मसाथ गर्दै नागरिकको सपनालाई साकार पार्न अहिलेको व्यवस्थाप्रति कटिबद्ध भएर लागेको बताए ।

‘सबै गर्न सकिँदैन तर, धेरै गर्न सकिन्छ’ भन्ने आस र भरोसाका साथ आफूहरू अघि बढेको उनले बताए । 

तीन महिना सरकारमा बसेर मेरो पार्टीबाट मन्त्रि बनेकाहरूले एउटा पनि नराम्रो काम गरेका छैनन्, राम्रा काम भएका छन्,ु उपप्रधानमन्त्री लामिछानेले भने ।

राष्ट्रिय स्वतन्त्र पार्टी (रास्वपा)का सभापतिसमेत रहेका उनले प्रदेश संरचनालाई लिएर धेरै प्रश्नहरू उब्जिएकाले संविधानको भावना र परिकल्पना अनुरूप प्रदेश सञ्चालन गरिनुपर्नेमा जोड दिए ।

ुप्रदेश संरचनालाई लिएर धेरै जिज्ञासा उब्जिएका छन् । यसमा सुधार गरेर अघि बढ्नुपर्छ,ु उनले भने ।

उपप्रधानमन्त्री लामिछानेले नागरिकलाई दुःख नदिइकन परिवर्तनका लागि आफूहरू मुद्दामा एक भएर अगाडि बढ्ने धारणा राखे ।

खबरपाटी