एमाले बागमती अधिवेशनः सानु श्रेष्ठले पनि फिर्ता लिए अध्यक्षको उम्मेदवारी

काठमाडौँ । नेकपा एमाले बागमती प्रदेश कमिटीको अध्यक्षमा उम्मेदवारी दिएका सानु श्रेष्ठले उम्मेदवारी फिर्ता लिएका छन् ।

बिहीबार साँझ श्रेष्ठले उम्मेदवारी फिर्ता लिएको बताए । यसअघि बिहीबार दिउँसो अध्यक्षका आकांक्षी केशवराज पाण्डेले पनि उम्मेदवारी फिर्ता लिएका थिए ।  श्रेष्ठ र पाण्डेले उम्मेदवारी फिर्ता गरेसँगै अध्यक्षमा कृष्ण दाहाल र कैलाश ढुंगेलबीच प्रतिस्पर्धा हुने भएको छ । अध्यक्षमा पाण्डे, श्रेष्ठ, दाहाल, ढुंगेल र केशर बुढाथोकीले उम्मेदवारी दिएका थिए ।

संशोधित एमाले बागमतीको निर्वाचन कार्यतालिका अनुसार आज राति नौ बजे उम्मेदवारहरुको अन्तिम नामावली प्रकाशन गर्ने र शुक्रबार बिहान ८ बजे मतदानको समय तोकिएको छ ।

खबरपाटी