पहिलो हाफमै उत्तर कोरियाविरुद्ध नेपाल ५-० ले पछाडि

काठमाडौं । एएफसी यू–२० महिला एसियन कप छनोटको समूह ‘ए’ अन्तर्गत भुटानको राजधानी थिम्पुमा जारी खेलमा नेपाल पहिलो हाफमै ठूलो अन्तरले पछि परेको छ ।

थिम्पुको चाङ्लिमिथाङ रंगशालामा भइरहेको प्रतियोगितामा उत्तर कोरियाविरुद्ध पहिलो हाफमै नेपाल ५–० गोलले पछि परेको हो । खेलको सुरुवाती मिनेटमै उत्तर कोरियाले आक्रमणको लय कायम राख्दै गोलको वर्षा गर्‍यो ।  

उत्तर कोरियाको तीव्र पास, बलमा दृढ पकड र उच्च प्रेसिङका कारण नेपाली खेलाडी दबाबमा परेका थिए ।

यो नतिजाले दोस्रो हाफमा नेपालमाथि थप दबाब सिर्जना गरेको छ, जहाँ टोलीले गोलको अन्तर घटाउन र खेलमा फर्किन आक्रामक रणनीति अपनाउनुपर्नेछ ।  

खबरपाटी